據Scientific American報導，由Wicab, Inc. (http://vision.wicab.com/) 所研發的舌頭觸感視覺儀器將於月內提交美國食物及藥物總處審批，並期望在年底發售。該儀器是透過眼鏡上的攝像頭將畫面傳送到體積如手提電話的機器進行處理，並將視覺訊號轉化成電擊訊號，這些訊號會透過一個儀器傳遞到舌頭上以提供20x20至25x25的解像度。
有關詳情請參考以下網頁：
http://www.scientificamerican.com/article.cfm?id=device-lets-blind-see-with-tongues
為方便中文讀者，以下亦引用一篇有關該儀器的中文報導。
聲音專欄：味覺視網膜
杜光庭
17.08.2009
來源：http://www.881903.com/page/zh-tw/audiocolumndetail.aspx?itemid=149787
想唔想知道你而家望緊嘅影像，佢地嘅味度喺點嘅呢? 等等，千祈唔好用條脷去試，好多細菌架！一直以黎人類都對見到嘅影像有不同嘅幻想，例如會唔會有一個空間，喺人類肉眼睇唔到嘅呢? 肉眼睇到嘅，又同真正嘅現實一唔一樣呢？話晒我地用肉眼所見到嘅呢個世界，都只不過喺透過我地二百萬條神經線，由我地視網膜去到大腦所傳訊得黎嘅訊息。所以喺1960年代，神經學家Paul Bach-y-Rita就已經話，我地用黎睇野嘅喺大腦，而唔喺眼睛。嘅然係咁，理論上只要將任何有神經線嘅器官黐條線去連接大腦用黎分析視覺訊號嘅部分，咁就唔需要眼都一樣可以睇到野啦。一啲都無錯，一班黐線科技家，就喺研究緊點樣去黐呢條神經線喇。喺美國，當一個人嘅視力質數降低至 20/200 以下，又或者視野角度只有20度或以下，佢地就係失明。跟據美國國際健康中心報告所講，美國每年因為失明嘅問題洗多咗5億1千4百萬美金，你話如果科技能夠徹底解決失明問題，我地就會少好多煩惱喇。美國威斯康辛州一間神經科技研究公司Brain Port Technologies，Wicab Inc。就做咗個研究，研究點樣可以用身體其他器具代替眼膜去進行光線接收，最喺就發現原來有一個身體部位可以媲美眼角膜有咁多神經線嘅，就喺你條脷喇！當然，一條脷喺唔可能將光線轉化成神經訊號，所以佢地就發明咗一部儀器，能夠將光線影像收錄，然後轉化成電流訊號傳落條脷度。首先，影象會經由配戴者太陽眼鏡中間嘅鏡頭收集到一部手機大細嘅儀器，儀器嘅另外一邊，就喺一支波板糖咁嘅輸出器，調較到適合用家嘅嘴形，之後儀器會將錄返黎嘅影像化為電流分佈喺支波板糖上面，用家就會感到佢地脷有啲電流，聽講好似食爆炸糖咁，晚晚習慣咗之後，用家就會從佢地條脷，分辨到唔同嘅影像喇。佢地請咗四個完全失明嘅人參與測試，佢地喺使用儀器一個星期後就已經能夠熟習利用儀器黎找尋門口，噤升降機，同認字，其中一個男測試者第一次認出一個字幾時候仲感動落淚添。呢部能夠輔助失明人士嘅儀器仍然需要喺下個月被美國食物與藥物總處批准先能夠出產，佢地相信喺今年年尾就能夠畀大家使用，不過售價都唔平架，要10000蚊美金。相信當普及化後就售價應該會回落嘅。